MAE Mudiad Meithrin mewn partneriaeth â Portal Training wedi lansio cynllun mentora newydd sbon o’r enw Meithrin Gyrfa.
Bwriad Meithrin Gyrfa yw arfogi ac uwchsgilio unigolion i fedru datblygu eu gyrfaoedd gan dynnu ar brofiadau, gwybodaeth a chysylltiadau Mudiad Meithrin.
Maent am ddarparu cyfleoedd i unigolion sydd:
· eisiau magu hyder yn eu sgiliau Cymraeg er mwyn gallu gweithio trwy gyfrwng y Gymraeg
· ar drobwynt yn eu gyrfa ac am ddatblygu eu hunain, ac ysbrydoli eraill
Maent felly yn annog unigolion o bob oedran a chefndir i wneud cais i fod yn rhan o’r cynllun, a bod yn arweinyddion a modelau rôl positif i eraill.
Meddai Helen Williams, o’r Mudiad Meithrin: “Mae Meithrin Gyrfa yma i gefnogi unrhyw un sydd am weithio’n hyderus drwy gyfrwng y Gymraeg.
"Mae’r cynllun yn rhan o weledigaeth ehangach y Mudiad i gefnogi’r nod o gael miliwn o siaradwyr Cymraeg erbyn 2050, a chyfrannu tuag at economi ein cymunedau lleol i annog unigolion fynd am swydd yn y sector Gymraeg.”
Drwy’r cynllun 4 mis yma bydd 20 o ymgeiswyr llwyddiannus yn cael cefnogaeth gan fentoriaid a hyfforddwyr profiadol i:
• greu cynllun datblygu personol
• adnabod cyfleoedd i loywi sgiliau iaith llafar ac ysgrifenedig
• helpu i greu argraff wrth ysgrifennu ffurflen gais
• godi hyder mewn cyfweliad
• ddarparu sesiynau hyfforddi a mentora 1:1
• sicrhau iechyd a lles yr unigolyn
I wneud cais am gael bod yn rhan o Feithrin Gyrfa, rhaid cwblhau ffurflen datgan diddordeb erbyn Ionawr 28.
Am wybodaeth bellach ewch i www.meithrin.cymru/academi neu e-bostiwch helen.williams@meithrin.cymru
Comments: Our rules
We want our comments to be a lively and valuable part of our community - a place where readers can debate and engage with the most important local issues. The ability to comment on our stories is a privilege, not a right, however, and that privilege may be withdrawn if it is abused or misused.
Please report any comments that break our rules.
Read the rules here